مجموعة ابيات شعريه مسليه ومضحكة

[center]السلام عليكم ورحمة الله وبركاته

لقيت ها الموضوع واعجبني
ونقلت بعضً منه
ان اعجبكم زيدو عليه من الي تحفظون
وان ما اعجبكم خلوه


يا ليتني في جيبك ريال مقطوع****يبقى معك ما يقبله اي دكان

::::::::::::::::::::::::::::::::::::::::::::::


أحزن على فرقاك مثل الوراعين**** لآ مروا الدكان وأسرع أبوهم


::::::::::::::::::::::::::::::::::::::::::::::::::::::::::


الله من ضب ٍ لقيته وانا ارميـه


ضب ٍ كبير وعكرته حول مترين


ثلاث طلقات ٍ على الراس معطيه


مامات حتى فيه فرغّت مشطيـن


ضب ٍ من الربله كبار ٍ علابيـه


جحره كبير ٍياعرب بين خطيـن


كل العرب تسمع بذكره وطاريه


واظن عمره زايد ٍ فوق تسعيـن


بلشت في شيله وازريت اذكيـه


عرد اللحم دقّم علـيّ السكاكيـن


ماينشوي بالنار لو جيت ابشويـه


ولاينطبخ بالقدر لو يقعد اسنيـن


وقفت افكر يابدر ويـن اوديـه


مصيبة ٍ ياناس.. يشبع هل الصين


اثره تمساح ٍ وانا غـادي ٍ فيـه


امه مكون وجـده العـود تنيـن

ــــــــــــ


لي ثلاث أيام ماجاني كفر


وآعنى قلب المبنشر وآعناه




:::::::::::::::::::::::::::::::::::::::::::::::::::




بعض العرب لا من تكلم وانا أخوك


ودك تقول بعالي الصوت سقهااااا



///////////////////////////////////////////////////////

ياوجودي وجد من ضيّع نعوله ،،، لاقيٍ وحــــده والاخرى مالقاها

عايشٍ معها من ايام الطفوله ،،، شاب راسه بس نعله مانساها



:::::::::::::::::::::::::::::::::::::::::::::::


ياليت عندي مزرعه في استانبول


( 70 ) كيلو في ( 80 ) كيلـو



:::::::::::::::::::::::::::::::::::::::::::::::::::::


آجـمـل مـزايـاك حـلـو لـســان


وسماحـة ورحـمـة ( الـوالـد )


وصدرك يا ماشاء الله الرحمن


كـنـه ( مـطـار المـلـك خـالـد )


::::::::::::::::::::::::::::::::::::::::::::::::::::


(( صاحبي جني وانا ماني بصاحي


هو نذل مثلي وانا فينـي وقاحـه ))




راكب اللي سو حظي له حداني


ددسنٍ في كل رفـرف فيـه قبعـه


لا أشتغل حسه تقل ترعة يماني


شاربٍ له ببسيٍ من عقب شبعـه


:::::::::::::::::::::::::::::::::::::::::




البارحة يوم الخلايق ينامون


قمت اتلفت ثم حطيت راسي




::::::::::::::::::::::::::::::::::::::::::::::::




قال تفزع لا نخيتـك ؟ قلـت مافيهـا كـلام


راح جدي سبت الفزعه عسا الله يرحمه



::::::::::::::::::::::::::::::::::::::::::::::::::::::::::


السعودي يفتخر في الدير عرض و طول


بأوسـط العالـم يمثـل بطولـة رامبـا


ما سمعت الراجحي للمساهم وش يقـول


احتزم بي للثنادي و أنـا أخّـو سامبـا

:::::::::::::::::::::::::::::::::::::::::::::::




عجايب الدنيـا .. يقولـون 7


وأنا لقيت الثامنه .. مير ضاعت


:::::::::::::::::::::::::::::::::::::::


الصدر ضايق والمعازيب قشران***والبوك فاضي والمره عند اهلها

:::::::::::::::::::::::::::::::::::::::::::::::::::::::::::::


ياليت قلبي لك عصيده ومرقوق *** والروح لك خبزه وحبي لك إيدام
وإن كان نفسك تشتهي بيض مسلوق *** هذي عيوني لك مقلقل من العام
والكبد محموسه على الشوق برفوق *** واما الحلى انت الحلا وسكر الشام

:::::::::::::::::::::::::::::::::::::::::::::::::::::::::::::::::::

ياليتني نامس واقرصك لانمت *** وامص دمك يالغضي مص سن توب
أقرصك بالليل وانحاش لاقمت *** وليا رجعت لنومك اجيك ماتوب
ازن فإذنك زن ما حاصل ٍ صمت *** واجر موالي على كل مسحوب
مقدر على بعدك على دمك ادمنت *** انا اشهد انه عندي الذ مشروب

::::::::::::::::::::::::::::::::::::::::::::::::::::::::::::::::::::::

احدً عشاه قرص و مفطح الحيل *** وحدٍ رغيدٍ يلعط الكبد حره
وحدٍ يصجنَه اصوات المحاحيل *** وحدٍ تمنى ساعةٍ صب كره
وحدٍ يلاعب لابسات الخلاخيل *** وحدٍعجوز شاف منهاالمضرة
يالله انك تعدلها عن الضلع والميل *** والا انك تميلهاعلى الناس مرة

::::::::::::::::::::::::::::::::::::::::::::::::::::::::::::::::::::

ياليتني في حاره الزين خباز *** أسابق المذن واسوي عجينه
ابيه لاصار للخبز معتاز *** امد له الخبز والمس يدينه
و اولع التنور وارفع على الغاز *** ولو احترق فدوه لرمشه وعينه

:::::::::::::::::::::::::::::::::::::::::::::::::::::::::::::::::::::::::::::

ان العيون اللتي في طرفها حـورن *** خـلـت عيـال الحـمـايل في خبـر كـانـا
لاتحسـب المـجـد تمـراً آنـت آكـله *** لـن تبلغ المـجـد حتي يجيك ماجـانا
فـان رأيـت نـيـوب الليث بارزةً *** وحدتـْك الأيـام دورنا وتلقانا



:::::::::::::::::::::::::::::::::::::::::::::::::::::::::::::::::::::::::::




فكرت مرّه اسرق البنك واعتـاش
وصممت من قلبي انفـذ قـراري
وجهزت نفسي في مسدس ورشاش
ثم استعديـت لجميـع الطـواري
لكن قبل لا اسرق البنك وانحـاش
احترت بين المركزي والتجـاري