اكتب بيت شعر الي يعجبك

رغبة مني في مشاركة الجميع فأني اقترح.....

ان يكتب كل شخص بيت أو بيتين من الشعر أعجبته

ويحاول قدر المستطاع كتابة اسم الشاعر ان امكنه ذلك

بحثاً عن المتعه والفائده للجميع ان شاء الله

وستكون البدايه مني .............

ياسامرين الليل في بحر الاشواق ==== ياليتني معكم .... يلوح شراعي
بين القمر والموج ...لمعه... وبراق ==== والنسمه العذبه للاحباب داعِي
القرب ياالغالين ....للروح ...ترياق ==== والبعد ذباح القلوب ... الوجاعي

الامير الشاعر
خالد الفيصــــــــــ ــــل

اخوكـــــــــــــ المستشار ـــــــــــــــــــــــم اكتب بيت شعر الي يعجبك Th

السلام عليكم ورحمة الله وبركاته
عجبني الموضوع وحبيت اشارك فيه يقول لك

صحيح بعض السوالف : مالهآ دآعي

ياليت من قال له ~ كلمه،

يثمنهآ !
تدري وش أسباب ضيقتي
وَ أغلب أوجاعي
وْجيـه مآ تستحي ، وانا استحي منها! اكتب بيت شعر الي يعجبك Smile_embaressed

اما بالنسبه للشاعر ماادري عنه صراحه

هههههههههههههه وش عندها hope معصبه
ع العموم الموضوع حلو مره وانشاء الله لي باك ^^

فلا تخبر بسرك بل امتة
وصير من حشاك لة حجابا
فما اودعت مثل النفس سرا
ولا أغلقت مثل الصدر بابا

اما الشاعر مااذكر اسمة

بااااااااااااك
بيت شعر عجبني قلت احطه هنا المهم الشاعر مدري عنه ما اعرفه

في هالزمن لابد تعرف حقيقه
لاصرت طيب لازم تروح فيها

وبس

افضل بيت شعر صراحه حسيته هذا وبالنسبة للشاعر اللي اعرفه عنه انه يامي

وهي ما تنفع الا صوتيه لانها باللهجة الياميه البحته بس اعجبني المعنى

بعطيكم منها بيتين والباقي اذا رحت الصرافه جبته ^^

العز ما هو بشت واخويا وكم برميل زيت *** العز جدك ورثة لابوك وانت تكمله
واللي سرى في ليل اسود موحش من دون ليت *** ما هي تهمه عوية من ذيب في راس جبلة

ليت = كشاف او نور سيارة بالعربي ضوه

يعطيكم العافيه على مروركم الرائع
وهذي بيتين لعيونكم

ليه تطعني وانا ميت بليا ii

ماكفاك الي حصلّي قبل iiساعه
كن بين همومي وبينك iiحميا ii

جيتكم واحد وجيتوني iiجماعه
انت منا والمصايب من iiهنيا ii

كلكم ضدي ترى ماهي شجاعه

لشاعر المبدع دائم

حامد زيد

اشكرك يا المستشار على الموضوع الرائع وبصراحه ابيات جميلة جدا

وهذي عينة جبتها من الصراافة

اعتذر على طول القصيدة ولكنها توصف انواع الرجال فلابد تكون كاملة من شان يكتمل المعنى

ياكثرهم لا قلت لك عرفت وجيه
ويا قلهم لا قلت قدر ومعزة

رجل تعزه بعد ما تلتقي فيه
ورجلٍ قبل لا تلتقي به تعزه

ورجلٍ ترزه بالمجالس مباديه
ورجل فلوسه بالمجالس ترزه

ورجلٍ يموت ولا يجيبون طاريه
ورجل يجي طاريه في كل حزه

ورجل ضعيف ويستفزه معاديه
ورجل كلام إعداه ما يستفزه

ورجلٍ يهزه بعض موقف ويشقيه
ورجل ماهوب ايات موقف يهزه

ورجلٍ تلزه يعترف لك بخافيه
ورجل على خافيه محدن يلزه

ورجلٍ يوزونه ويزعل بني أخيه
ورجلٍ يّزعل من يحاول يوزه

ورجلٍ تكزه لازم إنك توصيه
ورجلٍ بليا ما توصيه كزه

ومن لا فرش للمرجله ماتغطيه
ومن لا يخز الناس محدن يخزه

الشاعر / خلف مشعان العنزي

مشكور اخوي صدى ولا تحرمنا من اطلالتك المميزه

مشكورين جميعا
وانا جبت لكم قصيدة لانكم كثيرين وكل واحد يختار بيتين
•●●•

كـم تقـــول الناس عن طبعـي صريح
و الصـــــــراحة خسّرتني مــا ربحت

قد خـــسرت الناس واصحاب المديح
و انصـــحوني بالمجامل ما انتصـحت

بايتـ[ن] ليلي ضميري مـــــــستريح
أوزن الكـــلمة و لا عـــــمري جرحت

يشبـــــهون بطبـــعهم كف الشحيح
عندهم لــــو كلّك عيوب انمـــــدحت

كـــم أشوف الناس من عيني تطيح
و الاّ انا من عيـــنهم مـــا يوم طحت

و الــمكان اللي يجيـــني منـــه ريح
مــن زمن ســـدّيت بابه و استرحت

في حياتي ما يــصح الا الصــــحيح
إحترم واقــع حياتي لو ســــــمحت

لو يفوت الفوت مـــا ينفع تصـــــــيح
و الغرق ما شحت عنّه لو ســبحت

كـــان عيبي فـالزمن إني صـــــريح
لو خسرت الناس في عيـني ربحت

~|{ شموخ ..

بيتي الشعري المفضل والقريب مني جدا
أحيان صدري من نظرعيني يضيق
وأحيان لاوالله من اللي أسمعه
مدري أنااللي غيروإحساسي رقيق
أوفلوب الناس مافيهاسعه[b]

شكرالك موضوع جميل واتمنى الإستمرار